Genderen, jo oder nee? Dës Fro stelle sech am Moment vill Leit.
Nieft der Diskussioun, ob ee soll genderen, steet och nach d’Fro op, wéi am Lëtzebuergesche gegendert kéint ginn. Duerch de Sproochkontakt mam Franséischen a mam Däitschen ass dat nämlech net ëmmer esou evident, vu datt bei verschiddene franséische Suffixen d’Grondwuert verännert gëtt (Student*in vs. Acteur*ice). Wat de Gebrauch ugeet, fält virun allem op, datt et keng Richtlinne fir d’Lëtzebuergesch ginn an gendersensibel Sprooch och éischter seelen ze fannen ass.
Mir wëllen an engem éischte Schrëtt erausfannen, wéi d’Leit zu Lëtzebuerg zum Konzept gendersensibel Sprooch stinn an ob se prett fir esou eng Form vu Sproochwandel souwéi sproochpolitesch Reglementer sinn.
Eng Mussesaach? Praktesch? Sënnvoll? Komplizéiert?
Sot eis, wéi Dir gendersensibel Sprooch fannt, a maacht bei eisem Onlinefroebou mat, andeems Dir de QR-Code hei drënner scannt oder op de Link klickt.
D’Participatioun dauert ongeféier 10 Minutten.
