Am Kader vun der Linguistik-Aféierung an eisem Luxemburgistik-Master stoung haut d’Thema Gebäerdesprooch zu Lëtzebuerg um Programm. Dofir waren d’Nicole Sibenaler an de Fabio Giusti vun Daaflux souwéi d’Sabrina Collé an d’Mylène Straus vun der lëtzebuergescher Hörgeschädigten Beratung bei eis op Besuch. Am Virtrag ass et engersäits ëm d’Gebäerdesprooch(en) am Allgemengen, anersäits awer och ëm déi…
Ganzen Artikel
Nom Erfolleg vun der éischter Summer School zum Lëtzebuergeschen am September 2016 organiséieren d’Mataarbechter*inne vum Institut fir lëtzebuergesch Sprooch- a Literaturwëssenschaft eng Neioplo vun der Summer School, déi dëse September (9.-13.9.2019) um Campus Belval (Esch-Uelzecht) vun der Uni Lëtzebuerg stattfanne wäert. D’Summer School riicht sech u linguistesch interesséiert Student*innen, Doktorand*innen oder PostDocen, déi ee méi…
Ganzen ArtikelOch dëst Semester organiséiert d’Institut fir lëtzebuergesch Sprooch- a Literaturwëssenschaft erëm en interne Colloque. Theme reechen dës Kéier vum Lëtzebuergeschen iwwert d’éisträichescht Däitsch bis hin zur Gebäerdesprooch an der Sproochepolitik zu Lëtzebuerg. Natierlech ass jiddereen häerzlech wëllkomm.
Waart Dir de Weekend och Är Kommissioune fir d’ganz Woch maachen an hutt dobäi e grousse metallene Kuerf op véier Rieder duerch d’Rayone vum Supermarché gedréckt? Déi, déi dëse Sonnden de Wëssensmagazin PISA iwwert d’Lëtzebuerger Sprooch gekuckt hunn, wëssen natierlech schonn, dass mir eis an der Lescht ënnert anerem mat de Bezeechnunge fir dës Akafshëllef…
Ganzen Artikel
Nodeems et déi lescht Wochen nach wéi aus Eemere geschott huet – mir erënneren eis leider éischter ongären un d’Stuermdéiwer Fränz an Heinz – gi mir elo erëm mat Sonn a bloem Himmel verwinnt. De Géigestand, ëm dee sech dës Auswäertung dréit, kënnt Dir elo also mol nees getrouscht ewechspären. Du hutt et erkannt, et…
Ganzen Artikel
Nodeems mir viru Kuerzem an engem vun eise Facebook-Posts nogefrot haten, ob eis Schnëssen-Participanten eventuell eng Liiblingsauswäertung hunn oder et en Item gëtt, vun deem si gäre Resultater wéilte gesinn, si mir op d’Strëmp komm. 🙂 Mir hunn eis also dofir 1129 Iwwersetzunge vum Saz “Hast du auch genug Socken eingepackt” ugelauschtert a Folgendes erausfonnt:…
Ganzen Artikel
De 24. Februar 1984 ass eist Sproochegesetz en vigueur getrueden an an deem Kontext ass et ubruecht, eng Auswäertung aus eise Schnëssen-Erhiewungen fir de konkrete Sproochegebrauch ze publizéieren. Wéi Der wësst, hu mer an der Schnëssen-App och e Froebou iwwert d’Sproochsituatioun, de Sproochegebrauch an déi subjektiv Sproochaschätzung integréiert. Nieft villen aneren Aspekter iwwert d’Verdeelung vun…
Ganzen ArtikelEng vun de leschten Aufgaben an der Schnëssen-App ass d’Fro Schwätzt Dir e lokalen Dialekt vum Lëtzebuergeschen? Wa jo, wéi en Numm huet deen da fir Iech?, mat där mir erausfanne wëllen, awéiwäit an der Lëtzebuerger Populatioun d’Bewosstsinn existéiert, dass Lëtzebuergesch eng eegestänneg Sprooch oder éischter eng Usammlung vu verschiddenen Dialekter ass. Doriwwer eraus soll…
Ganzen Artikel
Haut um Liebe-dein-Haustier-Tag resp. Love Your Pet Day – op Lëtzebuergesch da wuel eppes ewéi Hief-däin-Hausdéier-gär-Dag oder sou? 😉 – hu mir eis méi genau mat der Variatioun tëscht Hond a Mupp auserneegesat. Méi konkret hu mir dofir een Item ënnert d’Lupp geholl, bei deem e(n) GIF, also souzesoen eng animéiert Bilddatei, mat zwee Hënn…
Ganzen ArtikelEntre-temps hu mir ganzer 54 Items aus den Erhiewunge vun der Schnëssen-App ausgewäert! 🤩
Bei enger duerchschnëttlecher Zuel vun 800 Opname pro Aufgab sinn dat méi wéi 40.000 Opnamen, déi d’Schnëssen-Ekipp duerchgelauschtert, analyséiert, klasséiert a visualiséiert huet. Net ze vergiessen, ass op dëser Plaz natierlech awer och de Merite vun de Participante*ën, déi am Kader vun eisem Schnëssen-Workshop am November eng Hellewull Opnamen ausgewäert hunn.
Dir hutt elo Accès op all Auswäertung iwwert déi neigestalt Schnëssen-Säit um Infolux an och iwwert Resultater-Rubrik an der App selwer.
Kuckt Iech déi vill Resultater un a gitt ë. a. méi iwwer Sport, Geméis, an Autoe gewuer. 😉
Dir kënnt d’Beiträg och gäre kommentéieren. ⌨️ Wéi eng Resultater hunn Iech besonnesch iwwerrascht? Bei wéi engen ass genau dat erauskomm, wat Dir Iech erwaart hutt?
Iwwregens: Et feelen eis nach zimlech genau 1.189 Opnamen, bis mer d‘200.000 knacken. Héich Zäit also, fir selwer bei der 3. Ronn vun eiser App matzeschnëssen, wann Dir dat bis elo nach net gemaach hutt! 📲
Institut für lëtzebuergesch Sprooch- a Literaturwëssenschaft - Universitéit Lëtzebuerg - Impressum - Kontakt
Du muss angemeldet sein, um einen Kommentar zu veröffentlichen.