Klenge Kaddo fir Nationalfeierdag.
Fir eise Sproocherkennungssystem LuxASR gëtt et lo och Smartphone-Apps fir iOS a fir Android. Wärend de Webinterface vu LuxASR eng Rëtsch vu weidere Funktiounen huet, ass d’LuxASR-App éischter dofir geduecht, séier an ouni vill Geklicks en Audio an den Text ëmzewandelen. Egal ob dir ënnerwee séier eng Notiz diktéieren, en Interview oder e Video transkribéieren oder eng Sproochnoriicht an Textform brénge wëllt – LuxASR hëlleft Iech.
Funktiounen
🎙️ Direkt Opnam mam Mikrofon
📤 Eropluede vun engem Audio-Fichier (oder Video – an deem Fall gëtt den Audio extrahéiert)
🔄 Deelen: En Audio kann direkt aus enger anerer App (z.B. WhatsApp) mat LuxASR gedeelt ginn
✍️ Viru schécken: Den transkribéierten Text ka mat engem Klick an aner Apps wéi E-Mail, WhatsApp oder Notizen transferéiert ginn.
🔒 Dateschutz: All Opname gi sécher verschafft op engem Server zu Lëtzebuerg, ginn net gespäichert an net viru ginn.
D’App ka gratis um Apple App Store oder Google Play Store erofgeluede ginn.
