Zënter elo schonn aacht Woche presentéiere mir Resultater aus der Schnëssen-App am Télécran. Mir beschäftegen eis hei all Woch mat engem anere Variatiounsphenomeen, dat mir am Kader vun der App erhuewen an ausgewäert hunn. Dir fannt hei deemno all Woch flott Kaarten, Grafiken an e klengen Text, déi Iech verschidde Besonneschkeete vum Lëtzebuergesche méi no bréngen. Mir freeën eis schonn op déi nächst Editiounen, fir déi mer eng Hellewull flott Thematike virbereet hunn.
